Enpresen eta profesionalen sarea

'Ni.eus' sortu dute, euskarazko posta zerbitzua

2020-05-15 - Enpresarean

Ni.eus euskarazko posta zerbitzua sortu dute PuntuEus Fundazioak eta Guebs enpresak. Zerbitzuaren helburua da milaka norbanako eta entitatek kontu bat sortzea posta zerbitzu horrekin.

Bi bertsio ditu posta zerbitzuak. Bat, doakoa: norberak hauta dezakeen izenarekin sortzen du posta kontua . Ordainpeko aukera ere badago, domeinua pertsonalizatzeko modua jartzen duena.

Nabarmendu dute «pribatutasuna» izango duela bereizgarri ni.eus-ek: «Iragarkirik ez, tracking-ik ez, eta komunikazio zifratuak. Ez du inolako iragarkirik erakusten, eta erabiltzaileen erabileraren inolako jarraipenik egiten ere». Sakelako telefonoan edo ordenagailuan erabil daiteke, eta zerbitzu osagarriak ere baditu: egutegia, helbide liburua eta birbideratzeak, besteak beste.

Josu Waliño Puntues Fundazioko zuzendariak zuzeneko baten bidez aurkeztu du zerbitzua:

Albistearen iturria: Berria.eus