Enpresen eta profesionalen sarea

Turismo entitateetan sormena sustatzen

Enpresa Digitala

2024-05-15 (09:30 - 00:00)

Design Thinking turismo sektorean nola aplikatu ikasteko tailer praktikoa. Bezeroari zuzendutako teknikak ikasiko dituzu zure turismo-zerbitzuak hobetzeko, bidaiarientzako esperientzia gogoangarriak diseinatzeko eta industriako ohiko erronkak konpontzeko. Tailer honek tresna zehatzak emango dizkizu berritzeko eta gaur egungo turismoaren beharrizan aldakorretara egokitzeko. 

IA sortzailea martxan: oinarritik enpresa-aplikaziora (online)

Enpresa Digitala

2024-05-15 (14:30 - 00:00)

Ikastaro honetan, adimen artifizial sortzailearen munduan murgilduko dira parte-hartzaileak, eta ChatGPT edo Copilot pro bezalako tresna iraultzaileak nabarmenduko dira.
Azken urtean, eguneroko lanak errazteko, produktibitatea bultzatzeko eta prozesuak sortzeko eta automatizatzeko gaitasun aurreratuekin parekatzeko IA ereduek duten ahalmen izugarria ikusi dugu. Datuak nagusi diren denboran, ezinbestekoa da adimen artifizialeko teknologiak interpretatzeko eta erabiltzeko gaitasuna izatea.
Ikuspegi erabat praktikoa du programak, eta helburua da parte-hartzaileei gaitasun kritikoak ematea IA Generatiboko tresnak erabili eta ezartzeko. Horretarako, ariketa aplikatuak eta kasu-azterketak egingo dira, eraginkortasun pertsonala eta antolakuntzakoa bultzatzeko.
Helburua da parte-hartzaileei teknologia disruptibo horiek beren lan-fluxuan integratzeko behar duten ezagutza eta esperientzia ematea, irtenbide berritzaile eta eraginkorrak sortuz.

Adimen Artifizial Sortzailea Publizitate Kanpainetan (Google Ads eta sare sozialak)

Enpresa Digitala

2024-05-15 (09:00 - 00:00)

Mintegiaren helburuak:

Adimen Artifizial Sortzailearen erabilera eta ezarpena modu integralean ulertzea, Google Adsen eta Sare Sozialetan publizitate kanpainak diseinatu, kaleratu eta optimizatzeko. parte hartzaileei efizientzia handiagoko ekintzak egin ditzaten beharrezkoak dituzten tresna, teknika eta ezagutzak emanez.

Ikastaro honetan parte hartzen duenak hau ikasiko du:

1. Adimen Artifizial Sortzailearen oinarriak ezagutzea. Teorikoki eta praktikoki sendo ulertzea zer den Adimena Artifizial Sortzailea, eta nola funtzionatzen duen, bai eta publizitate digitalaren testuinguruan zer garrantzia eta aplikagarritasuna duen ere.
2. Google Adsen eta Social Adsen dituen erabileraren eta aplikazioen kasuak aztertzea. Adimen Artifizial Sortzailea arrakastaz aplikatuz publizitate kanpainak sortu, aktibatu eta optimizatu daitezkeela erakusten duten kasuen eta adibideen azterketak analizatzea, eta praktikarik hoberenak eta funtsezko ikaskuntzak nabarmentzea.
3. Publizitateari aplikatutako AASko tresnetan eta plataformetan trebatzea. Google Adseko eta Sare Sozialetako kanpainetan edukiak hobeto sortzeko, audientzia segmentatzeko, mezuak pertsonalizatzeko eta kanpainak optimizatzeko erabil daitezkeen Adimen Artifizial Sortzaileko tresna eta plataforma espezifikoei buruzko ikasketa praktikoa eskaintzea.
4. Emaitzak neurtzeko eta aztertzeko trebetasunak garatzea. Adimen Artifizial Sortzailea erabiliz beren publizitate kanpainetako emaitzak eraginkortasunez neurtzea eta aztertzea, baita datuak interpretatzea ere erabaki informatuak hartzeko.
5. Publizitate digitalean berrikuntza eta sormena sustatzea. Adimen Artifizial Sortzailearen erabileran modu berritzaile eta sortzailean pentsatzea, publizitate digitalean erronka komunak gainditzeko, eta horrela bere kanpainen errendimendua eta haietan inbertitutakoa berreskuratzea bultzatzeko.

Mintegiaren deskribapena:

Publizitate digitalerako dituzten estrategietan AASren teknologiak txertatzeko ezagutzetan eta trebetasunetan sakondu nahi dituzten guztientzat pentsatuta dago “Adimen Artifizial Sortzailea publizitate kanpainak sortu, aktibatu eta optimizatzeko (Google Ads eta Sare Sozialak)” mintegia. Parte hartzaileek Adimen Artifizial Sortzailearen aukerak deskubrituko dituzte, eta horien printzipioak, funtzionalitateak eta aplikazio praktikoak aztertuko dituzte, Google Ads eta Sare Sozialak bezalako plataformetan publizitate kanpainak sortzeko, aktibatzeko eta optimizatzeko modua eboluzionatzeko.

Jardunaldi hau ezagutza teknikoan ez ezik Adimen Artifizial Sortzailearen aplikazio estrategikoan ere zentratzen da, kanpainen sorreran gertatzen diren benetako arazoak konpontzeko, publizitate sormena handitzeko eta pertsonalizazio eta nabarmentasun handiagoa lortzeko.