Enpresen eta profesionalen sarea

Gatazkaren irakurketa feministak: fikzioak, diskurtsoak, errealitateak

UEU

2021-05-15

Jardunaldi hau UEUren eta EHUren arteko lankidetzaz egingo da. “Genero-identitateak eta diskurtso sozio-politikoen transmisioa euskal literaturan” ikerketa proiektuaren barruan (US18/39).

Azken urteetan mugimendu feministatik eta hainbat gizarte-diziplinatatik (antropologiatik, soziologiatik) Euskal Herriko gatazka politiko eta armatuaren irakurketa feministak proposatu dira. Era berean, euskal literaturaren inguruko diskurtsoetan gatazkaren irudikapenaren analisiak ugaritu dira, eta baita haien genero-irakurketak zein interpretazio feministak. Testuinguru horretan, gatazkaz diharduen euskal literaturaren irakurketa feministak eta gizarte zientzietatik egindako proposamenak eta irakurketak elkarrekin harremanetan jarri nahi ditu jardunaldi honek, gatazka politiko-armatuaren berrirakurketa feministan sakontzeko eta galdera berriak proposatzeko asmoz.