Enpresen eta profesionalen sarea

Zibersegurtasuna Adimen Artifizialan

Enpresa Digitala

2026-04-15 (09:30 - 00:00)

Enpresa asko, AA txertatzeko presaz, segurtasun-egitura sendorik gabe ari dira AA ezartzen, eta ez dira jabetzen hondarrezko gazteluak ari direla eraikitzen mehatxuz betetako itsaso batean. Emaitza: sistemak egoera larrian, datuak manipulatuak eta enpresaren izena segundo gutxian goitik behera erortzeko arriskua. AA tresna ahaltsua da, baina bi ahoko arma bat da. AA geure burua babestu gabe ezartzen badugu, nola biziraungo dugu?

AA erakundeen lan egiteko modua iraultzen ari da, baina baita atea irekitzen ere irudimena gainditzen duten arriskuei: eskala handiko datu-manipulazioak, AA ereduetan ezkutatuta dauden ahuleziak eta erakundearen lanaren arrakasta eta integritatea arriskuan jar ditzaketen pribatutasun-arrakalak.

Hori dela eta, zibersegurtasunari buruzko jardunaldi hau jarri dugu martxan, AArekin lotutako arriskuak ulertu eta kudeatu nahi dituzten enpresentzat. Ekitaldian, sistemak babesteko, araudia betetzeko eta eredu seguruak diseinutik hasita garatzeko estrategia praktikoak landuko dira.

Aukera bikaina da AA aktibo estrategiko eta fidagarri bihurtzeko, erresilientea eta segurua izan dadin, ez soilik berritzailea.

Gidatu Adimen Artifizialeko estrategia zure enpresan

Enpresa Digitala

2026-04-15 (09:30 - 00:00)

55 ordu presentzialeko prestakuntza, aurretiko ezagutza tekniko aurreraturik gabe,beren erakundeetan eraldaketa teknologikoa gidatu nahi duten profesionalentzat.
Prestakuntza hau SPRI Enpresa Digitalak antolatu du, BAIC (Adimen ArtifizialarenEuskal Zentroa) eta Mondragon Unibertsitatea lagun dituela, eta Ikerlaneko eta gonbidatutako beste aditu batzuen eskutik garatzen da.
Ikastaroak aukera emango dizu zure enpresan Adimen Artifiziala (AA) estrategikoki txertatzeko, erabilera-kasuak identifikatzeko, berrikuntza bultzatzeko eta ibilbide-orri errealista eta pertsonalizatu bat diseinatzeko.

HELBURUA
Negozio-liderrak eta proiektu-arduradunak prestatzea, beren erakundeetan AA proiektuak modu estrategiko, praktiko eta arduratsuan diseinatu, lideratu eta ezartzeko, betiere enpresaren benetako erronkei eta aukerei erantzunez.

NORI ZUZENDUTA DAGO
Euskadiko enpresetako teknologia, berrikuntza, negozio edo produktu arduradunentzat. Bereziki egokitua da aurretiko ezagutza teknikorik (programazio edo datu-zientziarik) ez duten profilentzat, baina ikuspegi estrategikotik AAren aukerak aprobetxatu nahi dituztenentzat.
 

Web-pentestinga: Ikasi web-aplikazioen kalteberatasunak bidentifikatzen eta prebenitzen modu praktikoan

Enpresa Digitala

2026-04-15 (09:30 - 00:00)

Web-pentesting ikastaro honetan web-aplikazioetako kalteberatasunak identifikatzeko eta ustiatzeko oinarrizko teknikak erakutsiko zaizkie ikasleei. Burp Suite erabiliko da laborategi-ingurune seguru batean. Aplikazio komertzialetan dituzten benetako kalteberatasunak aztertuko eta ustiatuko dira, ikaskuntza eraginkorra eta praktikoa lortzeko asmoarekin.

Web-pentestinga funtsezko diziplina bat da zibersegurtasunean, eraso-bektoreen ehuneko handi bat Interneten ikusgai dauden web-aplikazioetan zentratzen baita.