Enpresen eta profesionalen sarea

Aprobetxatu Googleren AA: Gemini eta NotebookLM tresnei buruzko ikastaro praktikoa

Enpresa Digitala

2025-05-15 (09:30 - 00:00)

Ikastaro honekin, Google Geminiren eta NotebookLMren gaitasun aurreratuenetan eta funtzionalitate interesgarrienetan sakonduko duzu, erabiltzaile-mailan. Googleren adimen artifizial sortzaileko tresna nagusiak dira.

Tailerra amaitutakoan, zehatz-mehatz ulertuko duzu adimen artifizialeko tresna sofistikatu hauek nola eralda eta optimiza ditzaketen zure eguneroko zereginak. Ikaskuntza praktikoko eta interaktiboko esperientzia baten bidez, teknologia hauek eraginkortasunez integratzen eta erabiltzen ikasiko duzu, eta berariazko estrategia eta teknikak aurkituko dituzu produktibitatea eta efizientzia nabarmen hobetzeko zure lan-ingurunean; hala, emaitza hobeak lortuko dituzu ahalegin gutxiago eginez.

SARE NEURONALen oinarriak: AAko ereduak hutsetik sortzea

Enpresa Digitala

2025-05-15 (09:00 - 00:00)

Adimen artifizialeko eta sare neuronaletako oinarrizko kontzeptuak ikasiko dituzu, aldez aurretiko esperientziarik edo programazio-ezagutzarik izan beharrik gabe. Adibide praktikoen, tresna grafikoen eta ingurune aurreratuen bidez, sare neuronalen ereduak aplikazioetarako nola entrenatu ikasiko duzu, bizitza errealean hainbat alorretan erabil ditzazun (besteak beste, marketina, industria, medikuntza eta gauzen Internet edo IoT).

NIS2 zuzentaraua: ondorio tekniko eta legalak ETEentzat

Enpresa Digitala

2025-05-15 (09:30 - 00:00)

NIS2 zuzentaraua (Network and Information Security Directive) zibersegurtasunaren arloko Europako lege-esparruaren eguneratze bat da, eta 2024ko urritik aurrera aplika daiteke. Zuzentarau honen helburua da zibersegurtasun-intzidentzien aurrean erantzuteko gaitasuna  eta erresilientzia hobetzea sektore garrantzitsu eta funtsezkoetan: zerbitzu digitalen operadoreak, azpiegitura kritikoak, funtsezko zerbitzu-hornitzaileak, eta abar.

Enpresa txiki eta ertain askori ez die zuzenean eragiten tamainagatik, baina baliteke zeharka zenbait baldintza betetzera behartuta egotea sektore kritikoetan jarduteagatik edo zuzenean eragiten dion enpresa baten hornidura-katearen parte izateagatik.

NIS2 prestatzea eta ezagutzea abantaila da lehiakortasunean, eta enpresa-arriskuak kudeatzeko tresna giltzarria da egungo ingurune digitalean.